قصیده عتاب لاهل الشرف
اعتب عل شرف وهله اوجمیع اطیاب
واعرفهم امنهل الفهم والاداب
****
اعرفهم امنهل الفهم والترتیب
ریت اهل الشرف لا عن سلفهه اتغیب
اشراف الظل اسمهم ینذکر بلطیب
اولاطب السلفهم بطلی اوکذاب
****
بطلی اوکذاب ماطب للاهل
واشکر الینهون من عقل الجهل
لیش کل ادروبهه صارت وحل
واعله الموحل لحگ مطر السحاب
****
وحل دین ویگل للدیان خوش
عدلی مده وانا اعامل عله الحوش
مات ابوه الچانت ایده ماتنوش
اوصبحت دنیا علیه تمطر عذاب
****
صبح ایصیح المبایل والومی
اوصار رایه امنهل رایات العمی
ویتدین للمفطح والرمی
اویچسی الیزال والطوح عتاب
****
منچسه الیزال رد لاهل الفلم
للمصوّر جمع یعکس بلزلم
انشد اهل المعرفه وبحر العلم
هل موارد های بالله بیاکتاب
****
های بالله ابیا کتاب امسولفه
تاه رای المشه ابرای اهل العفه
الحمّلوا بلدین حضرو بلوفه
لو یصبّح شات ما بین الذیاب
****
الشات ما بین الذیاب ابأیو حال
اوحایطات اعلیه من شرجی او شمال
الضال ماکول الشرد ماله مجال
های تالیتک یبن عالی جناب
****
های تالیتک یبن طیب العلوم
ول وکت صف الجبان او یل هجوم
او باهی الکحیله امنل الکدَیّشه او عِزوم
او صیر واعی او للوکت حسّب احساب
****
فَکّر ابوکتک وخذ منه العبّر
العوز گصّر اید شخص المعتبر
الفگّر لو بهلول والقادر غّبر
ابحلگ ابوفلوس اشحلو چان الجواب
تمّت