قصیده ارشادات
اشلون های اشلون یهل المعرفات
یهل العگول الأوساع کلجبال الثابتات
****
یهل العگول البلتدراک استوت
اومن اشد ریح اوهزاهز مانوت
الخذت من بیر الفهم مای اوروَت
های العگول التحل الموزمات
****
های التحل المشاکل والمحن
وین بیهم صاح حدای الظعن
الضیفهم وکت الگحیطی مانشف ذاک الصحن
وبتسیعی وهل مضایف دافیات
****
شته اوگیض اهل المضایف نارهم ماتنطفی
وکل وکت یطبخ جدرهم ینغسل ماینچفی
یحمدون الکرم وهله ومعرفه وغیره اووفی
اومن اهل گمگم اوهاون ودلال امخدرات
****
من اهل گمگم اوهاون ودلال امخدره
وحولت خیل الضیوف اباب بیت المفخره
یحمدون البشر سنه والعسر ماغیّره
بَشِر یتلگه الضیوف وهل مباسم ضاحکات
****
بشر یتلگه الضیوف ویضحک ابوجه الطرف
ألف میت اهلاًوسهلاً یاهله ابأهل الشرف
کرم حاتم بلطوایف لیش بس هوه انعرف
بألف اهلاً وسهلاً بل اجن والماشیات
****
بل ألف اهلاًوسهلاً یاهله اومیت هله
ولو کثر مال البخیل ایصیر طِحت حض اله
والکریم ومال عنده اهنا اتبین المرجله
ایصیر گول اوفعل عنده اثنینهن متجادیات
****
ایصیر گول اوفعل عنده اوینحمد بأهل المجد
اتشوف واحد من یغیب ابألف خیّر ینفجد
ولا تعد المشه ابروحه وکاض دربه اومستجد
هاذ مایعدِل احمول المایلات
****
هاذ بس ایعدی روحه ولاتظن یعدل حمل
ولا یصیر ابلیل دلال الزمل
الیعتزم بلنوگ واعی النوگ مایردن خمِل
اولو غفه الناطور چنهن ذایهات
****
واعیات اگلوب اهلهه النوگ مایرحن اضیاع
النوگ من شیل الثگال النوگ ماتشجی اضلاع
النوگ سفن البّر اسمها اولو مشن یطون الگاع
النوگ های اوصاف اهلهه الگبل وصفی اموصفات
****
النوگ عزت گوم اهلهه التملک اعگول الوساع
الشدت الکلفات بیهم تسهل اوتنگضی ابساع
تشرع الکلفه ابوکتهه ابرای حلوین الطباع
بهل دیوان المصگر والأ شوار النافعات
****
شورهم لدای طبّه واهل ترتیب اونظام
تعزل الحگ مِن الباطل والحلال امنل حرام
عگل الیصطر المخلبص یفرق امنل عگله خام
اواکو تلگه اعگول بیهن عَله الضیم امجربات
****
اکو اتشوف اعگول بیها امجربه ابجوع اوعره
اوماشیات ابجدم حافی ادروب گاع امعکره
فرق عن عگل المدلل والبوکته مادره
اولاعزل لحم الکراع امنل شذات
****
ماعزل لحم الکراع امنل فگار
اولاعرف شنهو الیل امنل نهار
الماعرف شنهو الشته اوشنهی الامطار
هاذه ماروَح اهدومه امبللات
****
هاذ مابات ابخله اوحر اوبرد
ولا نطر من حوم وذیاب الهَرد
ولالبس مرگوع وامخیِط سَرد
ذاک الیخیط الفتوگ الساعیات
****
ذاک الیدلی القشیم اعله الدرب
ذاک الیگلک تباهه امنل غلب
اوصیر واعی اعیون اوامفتش گلب
ولایشملک مَثَل کنّو و الأمثال امثلات
****
ضحه کنّو بلهوایش غفه اوضاعن وابتله
گال خافن مانی کنّو راح ینشد من هله
وین کنّو بلهوایش سرح گالو بل فله
گال چا هاذ انه کنّو والهوایش رایحات
****
تمّت