آخرین مطالب
امکانات وب
أسود ایران ماشوفن عدلهم
افاع اولاتظن توصل عدلهم
میّتهم تره ایوصّی عدلهم
الوطن والدین والحد والثنیه
****
عثم خزن جرح گلبی ولالام
ابثقیل الهم نهل جسمی ولالام
الایم لو دره ابعلتی ولالام
اله الظاهر یقین ایلوم بیه
****
سره ظعنی الأحبه وعلی مرمر
صدع راس الگلب لو چان مرمر
نهل حیلی وضجت والریج مرمر
حین اوداع أسود الموزمیه
****
الأسد لو مر تهاب الناس مرته
او صبور اویجرع امنل وکت مرته
الرجل لو سلم خل اتموت مرته
الفرس فدوه اذا الفارس بقیه
****
فدوه المال خله ایروح مارد
ولاهمه ابضمیر احشای مارد
صبور ولل نوایب صرت مارد
اوخلهن یوردن کلهن علیه
****
فدوه المال خله ایروح خله
ولا أقبل علیه اتصیر خله
بس حی والخلیل ایشوف خله
الحلال ایروح وییی ابهل دنیه
****
الدهر ماعنده عف لو چان یوله
ابسئالک مایگلک اییه یوله
ولا مثله ابطبرته اتصیر یوله
جوی وقدار وسیوفه خفیه
****
الدهر سوه اعله کثر اگحوم خَله
طِنِب ومشیدات ابیوت# خله
اُمنهلهه اوما تُعَد یا صاح خله
اسود اتراوست تحت الوطیه
****
الدهر حط ابجمیع الناس نابات
ونه ناب اولحگلی الناب نابات
سهم بحشای اله اوهم بعد نابات
تجیهه امرار رک ایرک علیه
****
ادهر کلفات منیولی ولایاه
ابطمع وبخوف مایسدر ولایاه
الیطرده میج ینصبله ولایاه
ایظیّج ادنیه بیه وأرض الوطیه
****
ابلیالی السود ماهمیت بعده
ولا غثنی الدهر هم هاذ بعده
ماطول النفس بلجسد بعده
ماهم بلنوایب والأذیه
****
شبهل الموح فاض او دفگ ونسل
دمعی اوراح منی الشوف ونسل
وحیلی اولا تظن ارتاح ونسل
العلیهم منتکل بلموزمیه
****
احبابی ابلیل عنی یر ظعنهم
جفونی اشلون گلبی یر ظعنهم
الومن لبن زاچی یر ظعنهم
ابد چا ما جفونی او گصو بیه
****
المشو ماودعونی مرضه عنهم
ابحلات النوم واهیس مرضه عنهم
الربن لبن زاچی مرضه عنهم
زاچی البن ماینکر خویّه
****
الضعاین گوضت وسرت عله اهدای
ابعجل ما چان ممشاهم عله اهدای
بهدهم عودانه اوهمه عله اهدای
اظن خانو اهودی او گصو بیه
****
سرت والدار اهلنه یاهوانه
واگل حدای ضعنی یاهوانه
اسئلت شایب امنهلی یاهوانه
اتعرفنی لوامضیع العرف بیه
*****
ابسئالک هاذ فضل اوعلی منه
اوبعد ماضل هواسی اوذهن منه
السئوال اونغم حسک بیّن منه
اعله بخت اشوف خان اوگطع بیه
****
اشسبب کل یوم انه روحی یتلهه
الدهر ورداف یا صاحب یتلهه
المصایب واندعه الشامت یتلهه
اوبعد تعذیب واهموم او اذیه
****
اخوک الیاز منک یوز منه
اوگله الصار یکفی یوزمنه
گله اشیل زملک یوزمنه
ازمل زملین ماسارن سویه
****
اخوک اشما یعیل اعلیک عدله
اوعد اهل الفهم تنجعل عدله
ولو ترسلک امنل شین عدله
وازنله ابسماح احسن سجیه
****
اخوتی دوم اخایرهم وشرهم
او متصدی البلاویهم وشرهم
وزن بلیر اعادلهم وشرهم
وگول ابرخص سومتهم علیه
****
یخوتی اشکثر ما چل من امرکم
عسل عندی امنذوگن من امرکم
ابسبب انطرو حسب من امرکم
عله العدوان هیبه اتصیر لیه
****
یخوتی احلف وحگ امکم وابیکم
ابگلب والسان احبنکم وابیکم
ابسبب انتم الی هیبه وابیکم
اصادم کل عدو بل موزمیه
****
هاسن الترف لیلو وها فاض
وها من دم دفگ دمعی وها فاض
ها قسّم علی ربی وها فاض
وها زعنی ابصبخ ما نشد بیه
****
هاعت الدهر عتنی وهاتل
وهاهم العلی بیدر وهاتل
ها اجدم علا ربعی وهاتل
وها مازادت احلولی علیه
****
ها شال الضعن وبعد وهامد
وها جرح الگلب یردم وهامد
ها شبه الیزر دمعی وهامد
وها سال اودفگ بأرض الوطیه
****
ها گوطر ظعن خلی وهاطر
وها دای اثر ابگلبی وهاطر
هافر العگل منی وهاطر
وها ضلیت مدری اشصار بیه
****
ها ضاع الضعن منی وها لاح
وها گمت اجذب الونه وهالاح
هاسهم الهجر طگنی وهالاح
وهاصوب دلیلی اوفتک بیه
****
ها گفه الظعن مارد وهاعاد
هابلهم ذبل جسمی وهاعاد
ها مادامت الچسره وهاعاد
وها قدرت ببن حامی الحمیه
****
ها نرکب لحبانه وهانشد
وها انظم شعر الهم وهانشد
ها اسئل عله احبابی وهانشد
وها ماشوف واحد نشد بیه
****
هااصبح حلو ریجی وها مر
وها کلشی علیّ سادی وها مر
ها مخلوق ماهابن وها مر
وها بس اهتدی الرب البریه
****
ها ظعن الأهل گوطر وها فات
وها چنی گریص ارگط وها فات
ها شب ابلضه جسمی وها فات
وها نار الخلیل اسعرت بیه
****
ضجت گاصد لخوی اونسل بدای
وعاتب یعز گومی اشسبب بدای
بده گالو گلت یا صوب بدای
لون بادی اعله ضدی ویحش بیه
****
یصاح المایهملک لا تهمله
وعله البدذات دمعک لاتهمله
والمایستهم لحد لاتهمله
جدم لو صاح ویّت ناربیه
****
الفخر مولل عجد عجده وشدهه
الفخر لل حلّهه ابضیجه وشدهه
اشما تعظم کلایفهه وشدهه
اذا عندانفل هینَه القضیه
****
عمامی ما شفت جدمی وانلهم
اوگلت ابهای اجمعهم وانلهم
ابسبب هُمه الی هیبه وانلهم
اطیح ابنار یوم الموزمیه
****
هله ابیرغ عمامی والف یاهیل
امحور بهم دوه لو صاح یا هیل
الجرحی او للمشیب ورد یا هیل
امنشوف افعالهم بلموزمیه
****
الصخاوه ایدود عدنه من طبعنه
اسود اودوم لذل من طبعنه
لل نولی یحصلن من طبعنه
اهل عف اورحم عدنه ایتهیه
****
یصاحب عاین البختک وراعه
اشجاع ایکون هم عنده وراعه
طبع النفل من یولی وراعه
عف وترجه منه الغانمیه
****
اجّد وگطع حزم خیال یو مر
ولاهمن ابوکتی حلو یومر
ومر علناس مثل السبع یومر
مهیب اوتعتمد ربعی علیه
****
اشمأنشَر للوکت ما فاد شرای
ابسبب چه لل حچی ماشوف شرای
من الشر بلعگل بدلت شرای
اسمحت حته الحگتنی المحجریه
****
الأخوی الزین وایمانی ودینی
الگوایم وعرض ارگبتی ودینی
اجدن ونهض ابدینه ودینی
الخویّ المایعز روحه علیه
****
حملت اهموم چه گلبی ترانی
اوعدل وعیون خلگ الله ترانی
ونه خطار بدینه ترانی
اهناک او عنت المشیه علیه
****
زمانی اطلابته ویای شدهه
اوعدیت العمر بیام شدهه
الضیجه لو صبرت ابحین شدهه
تسعه اشما علیک اتضیج هیه
****
زمانی ما نصح ویای یوجد
اوکل وکته علیه ابنار یوجد
انه الماعندی ابو یو خال یوجد
ایظوگ امنل دهر یوبیه اذیه
****
الزمان ایرید بصره وحلّه منه
تباهه لاتصحلک وحلّه منه
حلوه المال المصفه وحلّه منه
الشرف عزه ولا مثله ایتهیّه
****
عمامی ابزود عدو من طراهم
سرو والخطرأمّن من طراهم
العدو مانام لیله من طراهم
ایحی الیل بعلاج المنیه
****
ادینه اترید مکدودی بسلهه
وانه اشوف الوکت عنی بسلهه
جبر عاد ابلع النخله بسلهه
وطیع الوکت لو ما طاع لیه
****
ادنیه ماضحک ویای سنها
مچدره اویای دایر حول سنها
الدهر جرد اسیوفه وعلیه سنها
تبارزنه اوسدر ما حطعلیه
****
الما یابه البن من یاب بلکت
ولایقنع ابحچیی الکیت بلکت
الی ظنه ابخویی الزین بلکت
اعن اعلیه مثل ما عن علیه
****
العگل هوه الیدلی البشر بلخیر
ولاذب الیملکه اعروض بلخیر
استخاریت الخلگ شرای بلخیر
ولا حد شار مثل العگل لیه
****
ارید ارحل من الخوان وبعد
اومعاهم ما اشد ابرخت وبعد
فقط لا صار دحچ ازماط وبعد
لهم افزع وشد بأول السریه
****
یطارش لو مشیت اوشفت ولحی
عله احبابی اوتمر بلنزل ولحی
الف رحمه اعله روح المات ولحی
ایتحزم بلعجل ویمر علیه
****
یطارش لا تدور اعذار بلحّی
تعنه اودش عله الخوان بلحی
اوگلهم چلب المگراض بلحی
ابلشت خلهم یجون ابخیل لیه
****
رجال الما ابکون وظیج وهمات
اودوم الهم عله الکلفات همات
انوح الهاذ گالو ذاک همات
گضوزلم التحی بلموزمیه
****
اعید بلفشگ وافرح مُنیدای
او عدوی دوم ضایگهه منیدای
نحیل او ثابت ابگلبه منیدای
عدوی ایقر الی بلموزمیه
****
اعید لو سمعت الفشگ یرده
او سبیتی من لهیب الماو یرده
ظمیری ابعز یحب الأجل یرده
ولا احب الحیات ابمهضمیه
****
زمانی عذب احوالی وشلهه
اوعلیّ لملم جمع گومه وشلهه
الأذه اشغیر من اطباعی وشلهه
ذاک انه البشر بلموزمیه
****
اشلون الحیل منی انسحب ولهم
اشلون ابقیت ادگ الصبر ولهم
اشلون ابساع شاب الوجه ولهم
اشلون الشوف گفه وخان بیه
****
ایتهدب عیب جرح الگلب ینشل
ولاهمی ابسفن وامیال ینشل
الدهر بیه او حچی الشمات ینشل
او هلی وعدای ودنیه علیه
****
امعجد رای البگلبی مُعجد
ابزمان الشیب الجاهل معجد
ادور عل صدگ وانشد معجد
الصدگ واحد او ضاع ابتسع میه
****
امعجد رای البگلبی وحله
اوقهرنی المالحگ ربعه وحله
اگول الوکت هم یعرض وحله
واشوف اشلون طایحله ابهبیه
****
الایدوّرالوحَل ویرید یوحل
هم طب لشتباهه ایرید یوحل
هلبت شاف گبله ابیوت# یوحل
اهلکت والحال شلوهه ابأذیه
****
تعالو العلتی وشوفو شباهه
ابهم الماجره اعله احد شباهه
شفکر عل گلب شصبر شباهه
الصبر طر الدلیل وفتک بیه
****
العمام اینولهه الیحمل حملهه
یروف الزودهه ویوچب حملهه
یسد کسرات ویقوی حملهه
اذا طارت سعت وصبحت فیه
****
یبل خوه ماشوفن بعد ویصح
وصدگ ماشوف عدهه الناس ویّصح
یصطیک الگعد عل نگب ویصح
یهل هل بیت یوکم حرامیه
****
صحیب الزین دورنه ملحنه
وعله الخوت القبر جدن ملحنه
یأکل زادنه وینکرملحنه
شبع وچفه الصحن بد الحمیه
****
وحگ من خالق المخلوق وجن
اعتقد منی ابجوابی ابهاذ وجن
ابوسط گلبی سبع نیران وجن
عله افراگ الأخو الأبعد علیه
****
وحگ المرتفع من غیر عمده
ذخر للموزمات وعلیّ عمده
واصول واعتنی الکلفات عمده
گبل لایعتنن ویجن علیه
****
وحگ من چان اله الدنیه ملاگت
یحب العز ولا یرغب ملاگت
زلم بلکون غیر اهلی ملاگت
ویشرفون العلم بلموزمیه
****
وحگ من اسسچ لینه یقبله
البحر حچی الفتن ماظن یقبله
چثیرامنل ربع ساعه یقبله
یجی تارس عدلته اخبار لیه
****
وحگ الله اومحمد والدینه
سعید الچان مکرم والدینه
یکد لهوه ویدین والدینه
یوفی اویمشی صافی منل دنیه
****
وحگ الی تعبده ارجال ونسه
لصاحب تراکم دوم ونسه
بخوتک لاتظن اشتده ونسه
لما یدعی الجسد تحت الوطیه
****
وحگ اشراف سادتنه ولیوَد
الی ذوق ابلطف حچیک ولیوَد
لو جاسک هضم اکتب ولیوَد
ارگبتی اعرضهه الک بلموزمیه
****
وحگ الی صطربلسیف مرحب
الغیرک مایگول الگلب مرحب
شفت صار ابجمیع اناس مرحب
اومثل حُبک ابد مامر علیه
****
هله یل بیک دوم الراس ینشال
ابرمح یمناک چف اعداک ینشال
انته البیک فتگ السلف ینشال
وانزامط بیک یل بیک الحمیه
****
وین اهل المضایف مشت وسرت
الفگدهم نار گلبی اثگبت وسرت
الأمن بیه واحچی الچلم وسرت
یصبح هو الیحشم علیه
****
وسّر یادلیل اهموم وسّر
ابقبن وترک وصول العفن وسّر
خویی المایضم الخبر وسّر
ضرر خوته وترکته نفع لیه
****
تنابینی الخلگ وانه مباهه
اویبت عمری اشکثر منهه مباهه
ردت الأرض الذی اعریضی مباهه
لوّنه اولا أرض منه خلیه
****
مشیت اولا ثگل جدمی منلهَم
او چثیر الخلتی شایل منلهم
وصلت الدارهم وسئل منلهم
بقه بلدار ویبین علیه
****
یصاحب هم دریت الوکت هشال
حالی اوکل جمیع اعضای هشال
دشوف الچان کِرت غنم هشال
ابط علچان سبع الموزمیه
****
ابناره الدهر مثلی ابهای ویمن
اوینزل الچان یطبر عسم ویمن
قهرنی المایشد الحمل ویمن
عله الشال الحمل بلموزمیه
****
حملنه اوحمل ال اویانه حملنّه
اومدیم اسیوفنه الخایف حملنه
چان الشوف لصاحب حملنه
لجل معشر اله ابهای الثنیه
****
الخوینه دوم مو وحده حزنه
اله ولرواحنه واحد حزنه
بچه نبچی حزن کلنه حزنه
فرح نفرح غضب نغضب سویه
****
الأخو ردته امنصیحن یوبی یانه
ولا منه ارد اترس یوبی یانه
ردت منه علایم یوبی یانه
خوه او بسئل ایمن علیه
****
الیشّن لینه ابخیول اویاه شنه
ولو حمل بعد بلدار شنه
یحط انحط یشیل اویاه شنه
سره نسری سکن نسکن نویه
****
دموع العین انشفهه وهلهه
اوتحن روحی اعله احباهه وهلهه
انحلت من فرگت الراحو وهلهه
گمت نگل الجدم یکلف علیه
****
یواشی لا تذب الخیل عل خیل
واعرفنک تدور دوم عل خیل
عیدک لو الخل ابتعد عل خیل
او مرامک بس ترید اتصیر فیه
****
یواشی موش گتلک یوز بس، بس
وشتّم کلمن اویه الناس بس بس
کسر باس الخبیث اونجح بس بس
راعی الشرف دنیه اوآخریه
****
یواشی موش گتلک یوز منهل
الفتن ومنل نمیمه اصبحت منهل
حیلی اومن بیابی العین منهل
دمه اعله البعّدت حیهم علیه
****
الواشی ماصلحله اثنین ورضه
اوچره منزل الساکن بیه ورضه
مدیم ایصیر عثه ابسگف ورضه
مضر اوچارهینه اهل الثنیه
****
الواشی ایرید بهلل اسلف گل گل
ایخسی ولامن اثگال الوزن گل گل
أبحسبته مجلس الیاوید گل گل
لا،زاد اووسع باهل الحمیه
****
بنینه للکرم مرسوم ودلال
اوخوینه ایعیش بلنوماس ودلال
امسیر مانگلنه ابدرب ودلال
البحر بفکارنه امگوشین مُیّه
****
هلی المادشهم اشکیلی وفاتن
اودهمهم عل خطر داسن وفاتن
البعث مثقال طیب الهم وفاتن
او قلیل ابحگ ابوذات الوفیه
****
ابّحرنه لا هست یزره وصفنه
اومدیم امخیف عسکرنه وصفنه
ابیوم الکون ماینعد وصفنه
ندرع وثنین اعدال میه
****
حلات الرجل کون ابعید ینطر
ولا طیره ابضباب الصید ینطر
شرف جامه اوعله ادنه الدون ینطر
ابگطن لفه اوقدمه المشتریه
****
حلات الرجل سیف الکون سنه
امشنظر مایدعمه المیل سنه
یدش بلموزمیات اوبشرسنه
ایتشعشع من تصیر الموزمیه
****
حلات الرجل بدیوان بی شر
أبفیه وتگعدالخوان بی شر
ذرال الصنفه وعله العدوان بی شر
ولصاحب ینوض ابحمل دیه
****
حلات الرجل منه العدو ینعال
جسور ولا علیه بزلم ینعال
اسد یلی بسمعته الراس ینعال
وتزامط بیه یوم الموزمیه
****
الرجل لو مانتت منه کلامات
شرف حی بلسلف لاکن کلامات
اترکه الی گضه عمره کلامات
تولّم وعتنه وعنز خویه
****
الرجل لا طول لا هیکل والوقار
ولا یصبر الهظم الذل والوقار
یحب العز بأرض عچره والوقار
ولا شامخ قصر ذل علی وطیبه
****
احرابی اویلدهر کل وکت ملگه
تشر لج ماحچیت اویاه ملگه
اشما دورعلیّه اوراد ملگه
خلل ویشمت العدوان بیه
****
بعد مامن صگر ویصید بادو
اسباع الکون من هل وکت بادو
لئن یجرح لیوث اوهست بادو
البعض ناس الگبل چانت رعیه
****
اشکثر ترقل عمامی علی وترک
ونه الهه اسمح من العیلات وترک
تضن تضعف شجرتی ابهای وترک
الوترگه اوعذبهه ایزود فیه
****
کلامک دوم للخوان وزن
تفیدک لو دهاک النبل وزن
ولو الشین چن ماسمع وزن
یجیک ابلیل ویلاجی السریه
****
الصبر سن البدن روحک ترابه
ولا تنسه الفری عینک ترابه
واخبرک بلصبر حکمه ترابه
الصبر حکمه طبیب الکل قضیه
****
الصبر باب الفری وقبل دوابی
وسئلک عل مساگ اگبل دوابی
ویگلک شیل زرعک عن دوابی
الصبر عن های ذله اومهضمیه
****
النفل بل کون مایجفی ولیراد
وعلیه محد یکض ممسک ولیراد
یوصفونه عله أخو ثقیله ولیراد
جسور ولایهاب امنل منیه
****
الاسد عاف الفخر کله والایراد
ماچن ذاک الیدرعم والایراد
الشات ایهد عله الایرد والایراد
ایگل للشات من وزک علیه
****
الجرح کل ما تلچمه النوب یحمل
النوایب والگلب چندوب یحمل
شفت الشات عل سرحان یحمل
اونسه ابیوم النشر مبتور لیه
****
الأسد ما یشتکی أمنل دهر یوزل
ولو یمطر علیه من دان یوزل
ولا حور بقصر بلور یوزل
زهاله وعاش عیشه بمهضمیه
****
جدم الله التعبده انته وانا
گعدنه للمعاتب و انته وانا
اناعندی مدارک وانته وانا
التعرفه ایصیرالک مدرک علیه
****
انادم گمگمی اودلتی وحبای
اوضجت من بعد خلانی واحبای
عشرتی الماهم ابمایی واحبای
العمر بیناتهم شیفید الیه
****
الحچیهم در ذهب صافی ولاروح
الفگدهم هم اله خاطر ولاروح
امنضل اخلافهم شنفع ولاروح
ولاابقه العمر شیفیدلیه
****
یدنیه اویای انا اشمابیچ لوعای
اوعله الزینین زاداوکثرلوعای
تهت معزل خیال الظعن لوعای
ابعدو وادروبهم ذاهت علیه
****
خصایل من زغر عندی وعاده
صحیب المنشجر طیب وعاده
واحب شخص الیحب الحگ وعاده
البطل واهل البطل کلهم سویه
****
الدهر کل ماگصه اویه الروح مرمر
یهون اولاعلیهه البطل مرمر
اشمعنه الحگ تگول الناس مرمر
وهواحله امنل عسل للبی حمیه
****
المرد حچی الفتن واهله مراده
صحیب الحگ لگه اوحصل مراده
التمرد عل بطل ماهی مراده
المرد یکره الباطل بی سجیه
****
الفهم عنده اوعگل من قاس منه
الروحه اوتستفیدالخلگ منه
یحل کلفات کثره ابغیر منه
اوجزاهه ایریدمن رب البریه
****
اشکثر دهری علیه هموم وطر
ابقصص الی تبط الصخر وطر
انه امنگصد عدوی الحاط وطر
الزمه اولا تظن یبعد علیه
****
الناس اتکف مدامعهه وانایم
وربعی چسبت اوردت وانایم
دلتی اوگمگمی امدثر وانایم
ابیتی وتهایم جت علیه
****
التهمنی اونکر عتبانی وشرهای
همت عنه اوعرف نیتی وشرهای
راح ایجیب شر ذیچه وشرهای
وهیه الثالثه اوماکلت بیه
****
یگلبی استوت کلها وتهمنی
قهرنی الداس بخته وتهمنی
والأعظم کل مشاکل وتهمنی
حچاهه اباب داره وهد علیه
****
الفاز ابروضهه وانکر محلهه
اویحچی احچایت الماهو محلهه
ریل امشبگه یمه ماحلهه
اندعه ایگول الربط والحل بدیه
*****
ابملک جدی اوثنیت اهلی وعودی
وانا اموصه وارید اوفی وعودی
جسمنه اوصار انا سهمی وعودی
ابصبخایه اوبعضهم شاک بیه
****
عنیت الجواد ابلیل عنای
الصحیب الچنت ازامط بیه عنای
گلت هاذه الیرد العدو عنای
لگیته اویه العدو امحزم علیه
****
اتواگد نارالبگلبی ویلهه
ولا واحد تدناها ویلهه
گطعت الظن من احبابی ویلهه
تشور اکبارهه اوتاخذ وصیه
****
بأخت یاری انتخی اوینتخی بختای
ولاجد ابسوانی البطل بختای
اغیم وارتعد وامطار بختای
تطفی الشاب والنار السریه
****
هلی ابسوح الحرب محد حملهم
ولا زعزع گدر میل حملهم
هلی یسحگ فشگ عدو حملهم
اومنع للصیحو یهل الحمیه
****
سواجی التسقی الخوه کراها
کثر بیهه الخرب محد کراها
من ارد احچی تطلع کراها
اومن ارد اسکت عتبهه ایرد علیه
****
الدهر خان اوچده اوکثر محنه
اوگمت اتفگد البیهم محنه
الشامت حگ اله اچفوفه محنه
الصاحب لیش یتشمت علیه
****
الدهر مافاد کلما مالگتله
خویی الگصد شوفی مالگتله
سئلنی اشلون وکتک مالگتله
یعدله المیّله لو حن علیه
****
انهلت محد دره ابحیلی من اهلای
فضحنی الدمع چه یصبح من اهلای
عینی اتهمل مورمده من اهلای
ملح ذبو علیهه اوعمل بیه
****
علیمن لیش زاید والمیانه
ابسبب گلّت الخوه والمیانه
اخو المایفید ایانه والمیانه
حضرته اوغیبته کلهه سویه
****
وحگ من خالق الزهرا وابیها
اقص ماابلع العیله وابیها
ولوادری گطع رگبه وابیها
موت اولااعیش ابمهضمیه
****
ابهضیمه اوذل یصاحب العمر مرده
اوعسه البیت احترگ والدبش مرده
العدو بالله اوحچی المطروح مرده
یرده السیف والنار السریه
****
حلات الیتعب الگومه وساعه
سموح اوکلوکت صاحب وساعه
موساعه اسبح ابطنه وساعه
یشب ابنار من چلمه جزیه
****
ابهنادس ناذری یگطع وربعای
وضعف من بعد خلانی وربعای
بعد ماافرح ابروضی وربعای
مثل یار المجفی امنل ثنیه
****
دمه الفگده الاحبه سال وانهل
دمعی اومن جفاهم رگد وانهل
حیلی اوریت الی ماعاد وانهل
شهرالبی مشو واگطعو فیه
****
یصاح المایحسبک لاتحسبه
اوشخص المایحسبک لاتحسبه
اودمعک عل بچالک لاتحسبه
ولاتبچی عله الذاته ردیه
****
هلی امنل ماو مامّلو یملهم
الماو اوکل وکت شایل یملهم
رصاص اوبلحرب ثابت یملهم
یشهد الصد والوقه اوملگه الطواب
****
شبت والحیل گفه اوضعف شوفای
اوعلی ابعد جریبی اوصار شوفای
من المطلوب کلی طلب شوفای
وفه ایرید الطلب غصبن علیه
****
انتشر بلموزمه اورفرف لوانه
السمع طگ ماونه اصفرن لوانه
لوینه اچفوف یل ماچف لوانه
نکون کون کون الغاضریه
****
صرت منخل شعدن من نخوتی
ابعددهه اسباع راحت من نخوتی
چنت کلهه اتلاحگ من نخوتی
اوهسه انخه واضل افرک بدیه
****
وحگ الی تعبده الناس بسما
الرجل ینهاب مو بل مال بسما
خویی الزین کلشی ایصیر بسما
یرث مثل الاخو بعد المنیه
****
سفیه العاشر الاجناب وبنا
اوعده افراگ اخوته موش وبنا
تالیته غریب ایموت وبنا
یحشم یخوتی بینو علیه
****
تجاره العگل یاصاحب تجربه
ولاتحمد رجل لمن تجربه
ابسفر لو بیتک البیته تجربه
کفو العده واوحمل للیار اذیه
****
اخوک الصار بلدنیه علی اچلاک
یاکل صگطک اویمرگ علی اچلاک
مر ایصیر مشروبک علی اچلاک
ابسبب کل یوم منه اتشوف اذیه
****
مَهم ابمنفعت دنیه ولامال
ولاهم بلحمل تچه ولامال
ولاهم بل وکت ذبنی ولامال
ضجت یوم الخذو زینب سبیه
****
الزلم من خرص وزنتهم ومنهم
الوعود ابزینهم تصدگ ومنهم
منهم یکصر الجیمه و منهم
یزر امنل حبل وایصیح حیه
****
اون واتهل شبیه الضال منهوم
عله الزتیتهم وایست منهم
بلگحیطی اجسمو ویای منهم
الی او للیار والمجبل تچیه
****
العقول امن التهالک من جهلهه
او چثیره ابطال هلکت من جهلهه
شفت شبان تدرک من جهلهه
او شفت شیاب تلعب طوط حیه
****
الوی اوعله افراگ الاهل لویای
اومدری الوکت ذبهم قاد لویای
تگلی ادیارهم چم وکت لویای
لگیت اهلی اودریت اشصار بیه
**** اشعار الشاعر اغلامعلی الحمیداوی...
ما را در سایت اشعار الشاعر اغلامعلی الحمیداوی دنبال می کنید
برچسب : نویسنده : gholamalialhamidawio بازدید : 480