آخرین مطالب
امکانات وب
من مثلی ابصبر یقره ویتلی
انولیت او لا اهل فزعت ویتلی
العده یا حسین بخیمی ویتلی
لضاه اوفرت اطفال الهاشمی
***
شعلّی ابطوفتی اشیلحگ لهبنی
وانه ابیتی او لهیب الضو لهبنی
لو تطفه اللضه ناذر لهبنی
الکفاف الشّر اذبحنه ضحیّه
****
الصاحب دوم جربه ابغیض وضعین
اله اوبلضیج جربه ابوضع وضعین
الو من شلت شال اویاک وضعین
استجد اویاه لیّام المنیه
****
اجتنی الماتشوف الارض عنهه
امطفحه اوغایره اومگطوع عنهه
زلفت اطرادها وابعدت عنهه
الوفگ تاعالها اوردهه علیه
****
ابلشت مایلحگ الصایح هواهه
جهال اولاتظن عاقل هواهه
اتلاهب نارهه اوشمل هواهه
یلاهی ابمزنتک جمل علیه
****
اخبرک حیل ماعندی ولاحال
مشاکل لادرب الهه ولاحال
تره الهم لوثگل یکتل ولاحال
یثّر بلگلب دای المنیه
****
اجیت او وعریت اشلون وعرای
اومشییی اویه الغنایه اشلون وعرای
رکبت املح کدیش اوعود وعرای
وارید اکحیل لایجدم علیه
****
مشیت اولامشیت ابفکر وبرای
ابقبه وشاحنات السِفِن وبرای
الهوه صرصر والچ عل جرف وبرای
شمرنی امنل جرف وانحدر بیه
****
الشهم حچی البطل کله ماراده
اوصحیب الحگ لگه اوحصل مراده
اتمرد عل بطل ماهی مراده
المرد یکره الباطل بی سجیه
****
شگت الی یشگهه الدهر تنشل
الارنب یاوکتهه ابگرن تنشل
لوادری واعرف الاید تنشل
امنهلهه اوهای ماتمرگ علیه
****
مامش عارفه للعین تمرای
اوحرت مالی اویهای الناس تمرای
من اتوزمه ابخت ویگول تمرای
تراحامض اوینصح مشتریه
****
الدهر کل ماگصه اویل روح مرمر
یهون اولاعلیهه البطل مرمر
اشمعنه الحگ تگول الناس مرمر
وهو احله امنل شهد للبی حمیه
****
ابملک جدی اوثنیت اهلی وعودی
وانا اموصه وارید اوفی وعودی
جسمنه اوصارانا سهمی وعودی
ابصبخایه اوبعضهم شاک بیه
****
الفاز ابروضهه وانکر محلهه
اویحچی احچایت الماهو محلهه
الریل امشبگه یمه ماحلهه
اندعه ایگول الربط والحل بدیه
****
عنیت الجواد ابلیل عنای
الصحیب الچنت ازامط بیه عنای
گلت هاذ الیرد العدو عنای
لگیته اویلعدو امحزم علیه
****
همت گاصد لخوی اونسل بدای
واعاتب یعز گومی اشسبب بدای
بده گالو گلت یاصوب بدای
لون بادی اعله ضدی اویحش بیه
****
شتأمل بعد شنتظر شتنه
احباب امن الاحباب الدهر شتنه
گضینه ایام صیف اوکت شتنه
ابسلف واحد اوگعدتنه سویه
****
اشعار الشاعر اغلامعلی الحمیداوی...برچسب : نویسنده : gholamalialhamidawio بازدید : 292