آخرین مطالب
امکانات وب
قصیده عله الأهل
روحی ابهم حزن وفراگ فرگه الأهل شاملهه
وروح الفارگت خلان راحه اونس ما الهه
****
روح الفارگت خلان تگضی العمر مهمومه
هاذ اشلون شال وذاک ضل بس نحچی بعلومه
علزنین احس وهیّس چبدتی بسهم مجسومه
وابلوعت فگد کل زین روحی السگم چاتلهه
****
روحی ابهم عله الزنین مکتوله ابحزن وافراگ
عله الچانت مجالسهم تفرهه کل خلگ لوضاگ
ینعد کل فرد منهم لامجاد الأسم عشاک
وهله اوکل جمیع اعضاءتنتاز ابفخر کلهه
****
اهله اوکل جمیع اعضاء تنتاز ابفخر زوده
وصه الگوم الا ایعنزون جار النزل بحدوده
دار الکرم عز للضیف بهل المجد موجوده
نار اهل المجد للضیف نص الیل یشعلهه
****
یشعلهه اوبشر للضیف کل ما کثر خطاره
والأکثر ایرید الناس تحمد معشره الجاره
جاره اوکل جمیع اعضاء تمشی ابشرف عتباره
اویحسب جارته اخته اواکثر جارته ایجلهه
****
یحسب جارته اخته والحر یستحی امنخته
عیدل للسلف کله اوللعز مایذر بخته
حیّه المظعن اوگَله ظعنک وین نوخته
گله اِجبل اوللخطاردار الضیف عازلهه
****
وابچی اعله الوفی وللضیف مایطفن تنانیره
وابچی اعله الذی ایحسبون تغدیر الشرف سیره
واتحسف حده الحدای بهل الشرف والغیره
منبت غیرت الطیبین عل هامات شاتلهه
****
الغیره ابسِده الچفیه اوروس العِگل مضفوره
اوعند اهله الشرف محفوظ ماینغلب ناطوره
ناس التعرف الخوه اوتعرف معشر الیوره
واکبار التشور اکبار اوتمشی ابرای کاملهه
****
وسفه ارجال هیچ اتروح وامجاد الفخر بیهه
تمشی ابرای عز الگوم وارشاد الیدلّیهه
وسفه اعله السباع اتروح واتضل بس اسامیهه
ذیچ الی تشیل احمول ترفعهه اوتعادلهه
****
ماخلت تمیل احمول وابسطح الأرض طاحت
لصاحب تشد ابلیل عین البلسلف صاحت
شالت حملت الزنین واسباع الزلم راحت
مرّت ماشفت میلات تنشاف ابمحاملهه
****
وسفه التعدل المیلات شالت واظعنت عل نوگ
ذیچ التعتنی الکلفات واتشل اوتخیط افتوگ
دیوان المجد موجود ذاک المایضیع احگوگ
بیهه اعله البطل ینصاح وایسدرون عایلهه
****
بیهه اعله البطل ینصاح والعایل یسدرونه
عز البخت للیاوید والعز مایدوسونه
دیوان المجد بی دوم کل حگ مایضیعونه
واهل المجد کل مصباح توصلّه ویواصلهه
****
راعی المجد وسفه ایشیل واتضل بلحزن داره
صاحب وفه اوعند الناس بلعز شایعه اخباره
وابچی اعله البچه لو شال وایبچّی السلف یاره
وایصَیح عشرت الزین حلوه اومحد ایملهه
****
ماتنمل عشرت الزین عند السلف والدیره
صاحب وفه اوزارع طیب عده اویل خلگ سیره
میّت والعدل مرتاح یمشی ابفضل تغدیره
واهل الجزه اتگله الراح چان افتوگنه ایشلهه
****
راح اومانجازی الراح راعی الشرف والهیبه
گوّض مجلس الطیبین ذاک الحلو ترتیبه
لصّاحب تشد ابلیل کلهه اوتحضر النیبه
اولوصارت سبع شاخات گبل الموزمه اتحلهه
****
موجوده التحل کلفات واهل الدله والفنیان
دلّه اوهاون اوگمگم بهله امصگر الدیوان
تفرض والعگول اوساع واتعیر الحچی ابمیزان
وانخه الباری هِیچ ارکان لاتخله منازلهه
****
وسفه الأرض بلطیبین تطوی اوتلف هیچ ارجال
ذیچ البلکلایف دوم تعدل کل حمل لومال
عز عبدالرضا ابن اُعبید نظمهه ابشعاراوگال
وغلامعلی اعله الطیبین تعبان ابتماثلهه
*****
تمّت
برچسب‌ها: قصیده عله الأهل اشعار الشاعر اغلامعلی الحمیداوی...