ماتقفه چنت لمن تکمل البیت بیت ابلا ربط ضل تایه ابدونک
تطفی الماطفت من گعدت الیاوید تحل الماله حل گامو یسمونک
تلامذتک اجتنی ادگلی ابوک اهنا ابشیباتک شرد حبو یضیفونک
الحل اولاد اولادک چنت ترتاح شعر بس کون منعدهم یقضونک
عله ازّتیتهم ماایّست هیهات حلیم اوتدری هم رایح یندبونک
قصیدت دار اهلنه اتون علیک الیل بچتلک گد بچی ایواد الیریدونک
مثل طرّت ال آوه انطر دلیلی اعلیک لحظه البیهه گمت اسمع یلقنونک
طلبت الموت من رکت شفتهه الروح ابطلبتک خذت بسمات الیحبونک
یونست لمت الگهوه اضحه ابدیوان اشیاب اب ابوذیتک یذکرونک
الرکایب سرت ولحادی سرت اویاه الیریدونک بعد یاصوب یلگونک
نذرت ابنک نذر بس کون شر اینام الکفاف اشر ستر چانو یحشمونک
اسمک ینگل شیخ اوعمامه اویاه اشوف ابعینی غایب بس یقدرونک
اعیش ابسمک انه او ابن ابنی ایعیش زارع طیب وبطیبک یجازونک
یرد اید اچریم اله البخیل انگول حشاک امنل بخل ربعک یعرفونک
مد ایده علیک المله گلک گوم حمد ویفیر بلمحفل یتانونک
گلتلهم یجینه الیله حجی اغلام بعد اوداعه وشرایک یصعدونک