قصیده عله الدنیه الخوانه
الدنیه اتخون بالک تعتبر بیهه تزهیلک وکت وتخون تالیهه
****
خوانه اوغبر کلهن خصایلهه ماخلت صحیب اولا صدیج الهه
تطلع امن اعیونه الی ایفکر الهه وتِغر الماعرف شرهه اوبلاویهه
****
اتغر الما عرفهه اشلون غداره چم حید الخذته اوحزّنت داره
گِصت بحیود اهل درگه اوغداره خذتهه الگاع شایبهه اوجوانیهه
****
یاگاع الأخذتیهه شباب اوشاب طشرتی شملهه اوگعدت الأحباب
وانوب الدهر فکله علیهم باب مستوره ابوطنهه مایخلیهه
****
مستوره اب وطنهه اوچانت امهیده اونگص البسلف یعدل مواریده
والیعتاز یلگه قرض الأیریده خوان اوعمام اوالله هادیهه
****
خوان اوعمام اوالله خلبصهه اومابین الخلگ بین نواگصهه
من یور الفلک ماتنحچی اقصصهه تبچی لوا اسولفلک ابطاریهه
****
اسولفلک عله یاوید معدوده ظلت اِخر بیتی البوب مسدوده
والیطر النزل یرشگ عله اخدوده اوینشد هل منازل وین اهالیهه
****
ینشد هل منازل لیش مخلیه اووین اهل الکرم واهل العزوبیه
انشدنچ یدنیه لیش سفلیه اشکثر اوجوه صلحه غیرتیهه
****
غَیرتی چثیر اوجوه معتبره بیچ اهل الشرف طمتهم الغبره
ولیطر المنازل تاخذه العبره البوب امسدده والرمل قاطیهه
****
البوب امسددات اوطامهه الذاری اولاتفرح یشامت هاذ امر جاری
ماینگال عنهه قسمت الباری امور الکاینه حتماًیجریهه
****
نقبل بل امور ابخیرهه اوشرهه اودولاب الدهر هل حاسهه اوفرهه
یاوید اواجله البین طشرهه اوطش اعیالهه وخله مبانیهه
****
اخلت هل دیر الچانت امرنه ولیطر المنازل یجذب الونه
چم خیر ابخیر الی اعرفنه ظلت هل حمایل بس اسامیهه
****
ظلت بس اسامی اوراحت الشجعان راحت یارجال ازود و هل شان
متحسف الشریف اوصاحب الدیوان ولیتلگه الأیواد او یحییهه
****
یتلگه الأیواد اوللیضیفه ایلوگ یصبح بلمضیف اوهاونه مدگوگ
یاوسفه یشیل اویظعن اعله النوگ ودع وطن جده اوحده ابحادیهه
****
ودّع وطن جده اوسار بظعونه گل عباس خویه اوهملت اعیونه
شوف الحره خلهه اتصیر مأمونه وبعهدک تکفلهه یوالیهه
****
حین الی تکفلهه اورضت منه واطاهه العهد عباس المچنه
اتگله احسین اخوی اشلون اشوفنه یبگه اوحید اویظل بین اعادیهه
****
جاوبهه البطل یختی اوجرت عینه گبل احسین ابن عودچ تشوفینه
کون ارکب واجیب المای لسکینه اوکون اسقی الضمایه اتقولت بیهه
*****
تمّت