قصیده عله الدار
ییت الدار المحبین حیران اوچبت بیهه
واتذکر زمان الفات یوم اترن بهالیهه
****
وتذکر زمان الفات چن اذکر ابیوم العید
یوم اهنا تلاگینه واجت اضیوفنه امنبعید
وهنا ربطینه الخیل وهنا گعدت الیاوید
وهنا چن اشوف الیوم مفروشه زوالیهه
****
وهنا چن اشوف الیوم فی الضحه اوچان اذلال
وحنه اهنا تکترنه ابیوم گبل چنه اجهال
وهنا چن اکو موگد وهنا خدرینه ادلال
وهنا خسفت الهاون هل امخضر دغل بیهه
****
وهنا خسفت الهاون بیهه امنل دغل تبه
وهنا فاح گمگمنه وهنا بُن النچبه
وافتر ابچان البیت روفه اوبیهه چم شبّه
چان امنسفه اکتاره اوبی تگعد جماعیهه
****
چن اذکر بهلنه اشلون متونسه اوزهیه الدار
چن اذکر ابذاک الیوم عدنه حَولو خطار
اذکر اهلی وَدونی اوگلولی اوعزمت الجار
اوگتله عدنه جمعیه اوشرف حضرتک لیهه
****
اذکر فقد ما ادرک شیل الدله والفنیان
اذکر عله زلم رحنه اونسمع صیحت النسوان
الحگو للفرس تاهت اوهسه اتمرد الطلیان
اثاری ادّچ عله الخیّه وتنوش الحوالیهه
****
اذکر چن اهلنه اشلون دارو عل غنم صیره
مطره اودچ غنمنه الذیب اوگبل الناس اهل غیره
چانت مغرب اوخِیوی اوکلهه فزعت الدیره
اومنه فکّو ام شامه اوجت اتدچ عله ارلیهه
****
اذکر عل وطن والدار یوم الچنت جاهل شاب
وذکر عل نزل کله واذکر گعدت الأحباب
واذکر عل أزغار اشلون من تستحرم الشیاب
وذکر عل وکت والدار واشلون الأهل بیهه
****
چن اذکر ابذاک الیوم آوه ابحوشنه انطرت
وبگفاف اذکر النسوان کلهه صوبنه افترت
هسه اعیالک امنیدک الو شافت غرض فرّت
غیرت گبل عن هسه اشلون الی یجادیهه
****
اذکر عل زمان اشلون گبل الناس گعاده
کل لیله الجمع عد بیت بیهم های هل عاده
اومن تگعد النص الیل ضلمه اونار وگاده
وبشبّت عمود البیت وتعلّگ تفاگیهه
****
اذکر عل وکت تبرَات وبیوت اوگصب وخصوص
ضلمه اسرای مایاجد ولا لاله ولا فانوس
شمعه لو تصح امرارلویله اوحطب وبروص
بس لدله والقلیون تتواگد یماریهه
****
اذکر گبل هل شیاب حلوه اشکثر لمتهم
کل لیله اوتصیر ابیت النص الیل گعدتهم
های التفرح الأنسان حلوه اشکثر عادتهم
تفتر بل سلف فرار دلتهه اوگهاویهه
****
چن اذکر ابذاک الیوم صارت ضغبره اولمه
واحد ینتخی الواحد ویگله انه اخوشمه
عدهم مطلب اویجناب وعلیه گامو ابهمه
اوسربتهم سرت بلیل ویموت الیلاجیهه
****
چن اذکر ابذاک الیوم صارت للغنم حومه
یت الظهر مایدرون ثاری العگله مهدومه
اولاد السلف کلهم گامولک فرد گومه
اوراحو گطلو العگله اولمه صارت اعلیهه
****
چن اذکر ابذاک الیوم اجونه الصبح بدایه
اوبلشارع فرشنه افراش حته الهم ابخضرایه
والیفرش افراشه ابعید عاده امنل کرم هایه
یفرح من یجونه اضیوف ذاک الیوم هاویهه
****
چن اذکر طلایب حیل وامگابل اوصار ازماط
اوصاحو بلنزل صایح للجار الویاهم حاط
باچر ینچتل زلمه اوباچر یحترگ صوباط
اوبلثایه التفگ لو ثار تطلع بس اهالیهه
****
اذکر جار المجابل گال انه اخو موجار
اشدن بأول افزاعه وذبهه اعله الفشگ لوثار
گالوله کفو انته بس انخمل من العار
حطو جارهم جدام والعرکه انکتل بیهه
****
اذکر من عصر طوو اوصاحو لایضل اثبات
خلو بس الأماعین لجل الزاد والقطیات
صاحو غبشه کون الذیب مایتفرزن امنل شات
وسرت هل ضعاین ذیچ صاح ابلیل حادیهه
****
اذکر عل ینیب اشلون یبره للظعن خیال
وذکر بل ظعن صبیان تعدل کل حمل لومال
وال بس یندعی ابروحه محد یجعله رجال
ایعدون الذی اشمیمی والکل یندعی بیهه
****
اذکر عادت الیمشون اوبلیل الظعن لوساگ
بل وصطه اشمل یلتم اوصوبین الزلم عل راگ
مسلح بأول الحمله وبتالی الظعن تفاگ
اومسلح من گطع منها هاذ ایصیر حامیهه
****
اذکر بیت البصفنه چانت های روفتهم
اوکلنه ننجمع کلنه ابفّی اذلال طوفتهم
یاوسفه عله الزنین حصره اصبحت شوفتهم
صفنه تلزم الأنسان من یذکر محاچیهه
****
چن اذکر گبل منهان روفت بیت الأمجابل
عدهم فرس تسوه افلوس اوعدهم شایبن قابل
صرت اخلاف المحبین عودی کل وکت ذا بل
سلیت امن امر بلدار اوتذکر محاریهه
****
چنت اذکر اشلون الناس چانت گبل عدهه اطباع
لوواحد هست مختاظ یمشون الرضوته ابساع
من یلگونه امحمل یجلبون الحمل عل گاع
ویسدرون غنمه ابسع لو تفت ابراعیهه
****
گبل الناس الاهیه اوصفات اگلوب وفقاره
والمعتاز الویسفر یطلب هدم من جاره
الو هسه وهو لابس بذنه چاسمع عاره
من جیهت الناس الیوم کلهه الفیس حاشیهه